Esperientzia gastronomiko berriak Hondarribaren eta Irunen, Bidasoa eskualdearen promozio turistikorako

Aurtengo apiriletik aurrera, bi argitalpen berrik Bidasoa eskualdeko gastronomia gozatzea errazten dute. Bidasoa bizirik-ek Basquetourrekin batera egiten den Euskadi Gastronomika Produktu Kluben promozioaren baitan kokatzen dira.

Esperientzia enogastronomikoei buruzko liburuxkak Hondarribiko eta Irungo enogastronomia sustatzeko eta zabaltzeko helburua du, urtean zehar Hondarribian eta Irunen egiten diren esperientzien bidez: dastatzeak, showcooking-ak, produkzio prozesuak ezagutzeko bisita gidatuak etab.
Azpimarratu ostalaritzako sektorearen dinamismoa eta inplikazioa ekimen honetan. Turista gutxien izaten den epeetan, Hondarribiak eta Irunek turismo helmuga gisa duten kokapena hobetzeko ekarpena egiten du.

Bi euskarri ezberdin argitaratu dira. Alde batetik, 3.000 liburuxka, euskaraz eta gaztelaniaz, 15 esperientzia enogastronomikori buruzko informazioarekin. Bestalde, agenda moduko 3.000 postal, hurrengo hiruhilekoko (apirila-ekaina) esperientzien datekin. Azoketan, turismo bulegoetan, hoteletan eta Hondarribiko eta Irungo bestelako turismo establezimenduetan zabalduko dituzte biak.

Pintxoen Gida eguneratu dute

Beste berritasuna Hondarribiko eta Irungo Pintxoen Gida da, erabat eguneratua eta berriro editatua. Hondarribiko eta Irungo Pintxo Taberna bakoitzeko pintxo bat agertzen da gidan, argazki batekin eta deskribapenarekin, establezimenduen datuekin eta argazkiekin batera. Edizio berrian, beste bost establezimendu gehitu dira, 2016an Euskadi Gastronomika Produktu Klubarekin bat egin baitute.
7.500 ale argitaratu dira, lau hizkuntzatan: euskara, gaztelania, ingelesa eta frantsesa (5.000 ale gaztelaniaz/euskaraz eta 2.500 frantsesez/ingelesez). Turismo bulegoetan, hoteletan, Hondarribiko eta Irungo ostalaritza establezimenduetan, azoketan eta promozio ekimenetan banatuko dira.

Erreferentea sektorean

Bidasoa eskualdea erreferentea da sektorean, azken urteotan goranzko joera hartu duen eskaintza zabalarekin. 2.000 pertsona baino gehiago dira ostatuen eta ostalaritzaren sektorean lan egiten dutenak. 50 ostatu leku inguru ditu eskualdeak, 2.500 plaza baino gehiagorekin. Okupazio maila %62 inguruan ibiltzen da. Bestalde, eskualdean hiru informazio gune daude, horietako bi Hondarribian, eta bestea Irunen.

ESPERIENTZIA ENOGASTRONOMIKOAK

MENU HONDARRIBIA:

ETXEKO OGIA EGITEN IKASTEKO TAILERRA

TALLER DE ELABORACIÓN DE PAN CASERO

Amona Margarita

AZOKA ETA SUKALDARITZA

MERCADO Y COCINA

Danontzat

JARDUERAK ARDO EKOLOGIKOAREN INGURUAN

ACTIVIDADES EN TORNO AL VINO ECOLÓGICO

El Curry Verde

UPATEGIA BISITA GIDATUA

VISITA GUIADA BODEGA

Hiruzta Bodega

GAUR ARRAINA JANGO DUGU

HOY COMEMOS PESCADO

Sardara

EUSKAL TRADIZIOZKO SUKALDARITZAREN IKASTAROA

CURSO DE COCINA TRADICIONAL VASCA

Ikusnahi

PINTXO TOUR HONDARRIBIA

Ikusnahi

 

MENU IRUN:

GARAGARDO-DASTAKETA ETA FABRIKAN ELABORATZEKO PROZESUA

CATA DE CERVEZAS Y SU PROCESO DE ELABORACIÓN EN FÁBRICA

Bidassoa Basque Brewery

DENBORALDIKO KAFEA DASTATZEA

CATA DE CAFÉ DE TEMPORADA

Estebenea

GEUK PRESTATU, GEUK JAN

NOSOTROS LO COCINAMOS,

NOSOTROS NOS LO COMEMOS

Felix Manso Ibarla

PINTXOAK ETA ARDOAK DASTATZEN

¡CATAMOS PINTXOS Y VINOS!

Felix Manso Ibarla

TXALAKA BISITA GIDATUA

VISITA GUIADA TXALAKA

Ola Sagardotegia

MOKO BISITA GIDATUA

VISITA GUIADA MOKO

Ola Sagardotegia

IZOZKIA EZAGUTZEN

DESCUBRIENDO EL GELATO

Papperino

ARDO-DASTAKETA

CATA DE VINO

Vinoteca Mendibil