Irun eta Hondarribia FITUR Nazioarteko Turismo Azokan izango dira aurten ere

• Euskadiko standean ‘Irun Erromatar Helmuga’ eta ‘NaturRed. Sentitu historia, sentitu natura. Erdi Aroko Hirien Sarea’ proiektuak aurkeztuko dira.

 Irun eta Hondarribiko Udalak, Bidasoa bizirik-en bidez, Madrilen urtarrilaren 19tik 23ra egingo den FITUR Nazioarteko Turismo Azokan izango dira, ‘Irun Erromatar Helmuga’ eta ‘NaturRed. Sentitu historia, sentitu natura. Erdi Aroko Hirien Sarea’ proiektuak aurkezteko.

“FITUR oso leku aproposa da gure eskualdeko eskaintza turistikoa ezagutarazteko; beraz, aurten ere ezin gara falta izan”, azaldu du Bidasoa bizirik-eko lehendakari Miguel Angel Páezek. “Oraingo honetan, eskualdean dagoen eskaintzari are balio handiagoa ematen dioten bi proiektu berri aurkeztuko ditugu”, gaineratu du.

Irun eta Hondarribiko alkateen aurkezpena

 Aurkezpenak FITURen Euskadiko standean izango dira, urtarrilaren 20an, ostegunean.

Lehenik eta behin, Irungo alkate eta Atlantikoko Erromatar Hirien Sareko presidente José Antonio Santanok eta udal bereko alkateorde Miguel Ángel Paezek aurkeztuko dute “destino Romano” proiektua. Sarearen egungo egoera eta kide diren hiriek urte honetarako hartutako konpromisoak aurkeztuko dira; sarearen formalizazioa, hiri kide bakoitzaren erromatar izaerako adierazpen enblematikoetan batera parte hartzea.

Aurten, Irundik Industria, Merkataritza eta Turismo Ministerioaren Berreskuratze, Eraldaketa eta Erresilentzia Planaren (EU Next Generation) finantzaketa (2 milioi euro) lortu duen proiektua nabarmenduko da, Turismo Idazkaritzaren bitartez.

Proiektu hau Helmugan Iraunkortasun Turistikoaren Estrategiaren parte da. Estrategia hori turismo-administrazioen hiru mailek (Estatuko Administrazio Orokorra, autonomia-erkidegoak eta toki-erakundeak) parte hartzen duten helmugetan turismo-jasangarritasuneko planen programen inguruan antolatzen da. Kasu honetan, proiektua Euskal Autonomia Erkidegoko Lurralde Planaren barruan sartzen da. Proiektu honen helburu nagusia Irungo terma erromatarrak berreskuratzea eta Oiasso Museoan sartzea da, eraikin honen atzeko patioan baitaude. Horrez gain, ingurumena lehengoratzeko, energia egokitzeko eta erreserba-sistema digitalizatzeko lanak egingo dira, bai eta museo horretako termen online denda bat ere.

Bestalde, irisgarritasun-plan bat garatuko da, eta eremu hori turismo-helmuga adimendun gisa konfiguratzeko prozesuan aurrera egingo da, lankidetza publiko-pribatuan.

“Irun Helmuga Erromatarra’ proiektuak Irungo kokapen turistikoa hobetuko du erromatar helmuga gisa. Horrek bultzada bat ematen dio Atlantikoko Hiri Erromatarren Sareko kide izateari”, esan du Páezek.

Ostegunean, hilak 20, Txomin Sagarzazu Hondarribiko alkateak eta Erdi Aroko Hiri eta Hiribilduen Sareko lehendakariak eta ‘NaturRed. Sentitu historia, sentitu natura. Erdi Aroko Hirien Sarea’ proiektua aurkeztuko du.  Naturaren inguruko produktu turistiko berri bat da, sarea osatzen duten hirietan aurki daitezkeen naturguneak eta mendi-ibiliak biltzen dituena.

“Proiektu honek historiaz eta kulturaz betetako hiri horiek ezagutzeko modu berri bat eskaintzen du, bere altxor naturalen bidez. Sarea osatzen duten hamaika hiriek zerbait partekatzen badute, hauxe da: hiri-eremuetako edertasunaz gain, guztiek dituzte naturgune ikusgarriak. Horregatik heldu da publiko zabalarentzat oso interesgarria izan daitekeen alderdi hori indartzeko unea”, esan du María Serranok, Bidasoa bizirik-eko lehendakariordeak.

Erdi Aroko Hiri eta Hiribilduen Sarearen bilera eta eskualdeari buruzko informazioa

FITURen programarekin jarraituz, Erdi Aroko Hiri eta Hiribilduen Sareko bazkideen batzarra ere ostegunean izango da. Bertan adostuko dira aurten landuko diren proiektuak: komunikazioa eta sare sozialak, web-orriko hobekuntzak, sareetako argazki-lehiaketa, ‘En Clave de Re”D’ musika-produktu turistikoa, Erdi Aroko pintxo lehiaketa, etab.

Bestalde, FITURen Irun eta Hondarribiko planoen azken berrargitalpena erakutsiko da, baita ostatuei, jatetxeei, Irun Berdea proiektuari eta abarri buruzko informazioa jasotzen duten liburuxkak ere.

Aurreko edizioak

Azpimarratzekoa da, azkenik, Irun eta Hondarribia FITURen edizio guztietan egon direla, salbuespenen bat izan ezik, Bidasoa bizirik-eko Turismo Saila 1993an abian jarri zenetik.

“FITUR bezalako agertoki batean gure potentzial turistikoa erakusteko aukera aprobetxatu behar dugu. Parte hartzen dugun bi sareekin zerikusia duten proiektuak aurkezten ditugun gunea da. Zehazki, azken urteotan FITURen Dies Oiassonis jaialdia edo Erdi Aroko pintxo-lehiaketa bezalako ekimenak ezagutarazi ditugu”, azaldu du Páezek.

Bestalde, Serranok gaineratu duenez, “FITUR aprobetxatzen dugu beste proiektu batzuk aurkezteko, hala nola esperientzia enogastronomikoak, baita harreman berriak ezartzeko eta turismoa sustatzeko sareetan parte hartzen duten erakundeekin bilerak eta topaketak egiteko ere. Hala ere, oraingoan, pandemia dela eta, horrelako topaketak ezin dira egin, baina hurrengo edizioetan egingo ditugu berriro, baldintzak egokiak badira”.

FITURen ohiko hitzorduetatik, azpimarratzekoak dira, halaber, “Destino Euskadi” elkarteko gainerako kideekin egiten diren bilerak. Bilera horrek urteko plana egiteko eta Eusko Jaurlaritzarekin eta Gipuzkoako Foru Aldundiarekin ekintza-plana adosteko balio du.