Aurkezpen gutunak idaztea

Aurkezpen-gutuna edo motibazio-gutuna “testu labur bat da, eta, curriculumarekin batera, gure burua aurkezteko eta lanpostu bat eskatzeko arrazoiak azaltzeko erabiltzen da”. Helburu bakarra du: irakurlearen interesa piztea. Kontuan izan enpresarekin duzun lehen kontaktua dela, eta, lehenengo kontaktu hori, garrantzitsua dela. Gutuna irakurtzen duenak lehen inpresio batekin geldituko da, eta ondorioz, zure curriculuma interes handiagoz edo txikiagoz irakurriko du.

Funtsean, bi gutun mota daude:

• Iragarki bati erantzuteko gutuna, izenak dioen bezala, prentsan edo bestelako hedabideetan agertu diren lan eskaintzei erantzuteko erabiltzen dena.
  • EDUKIAK
    • Hasiera: datu pertsonalak, data eta iragarkiaren erreferentzia (hala adierazten badu bakarrik).
    • Idazpurua.
    • Testua: iragarkiaren deialdia, zer eskatzen dudan, eskaintzaren profilarekin bat datozen alderdiak, gutunaren helburua.
    • Amaiera: adeitasun agurra eta sinadura.
  • IRAGARKI bati erantzuteko egitura (euskera)
  • ADIBIDEAK
    • 1. adibidea (euskera)
    • 2. adibidea (euskera)
    • 3. adibidea (euskera)
• Lan egin nahi dudan enpresa bati nire kabuz eta prentsako iragarkirik gabe lana eskatzeko erabiltzen den autokandidatura gutuna.
  • EDUKIAK
    • Hasiera: datu pertsonalak, eguna eta gutuna zuzentzen natzaion enpresaren edo pertsonaren erreferentzia.
    • Idazpurua.
    • Testua: nor naizen, gutunaren arrazoia, zer eskatzen dudan, eskatutako profilarekin bat datozen alderdiak eta gutunaren helburua.
    • Amaiera: adeitasun agurra eta sinadura.
  • AUTOKANDIDATURAREN egitura (euskera)
  • ADIBIDEAK
    • 4. adibidea (euskera)
    • 5. adibidea (euskera)
    • 6. adibidea (euskera)

AHOLKU BATZUK

Gogoratu aurkezpen gutuna irakurri behar duenaren interesa pizteko soilik erabiltzen den tresna dela.
Eskuz idatzi, hala adierazten badizute bakarrik.
Zaindu ortografia eta idazteko hitz-jarioa.
Pertsonalizatu gutuna eta eskatutako lanpostura egokitu, hau da, enpresari interesatzen zaiona kontatzen saiatu.
Idatzi modu positiboan, ez ezazu zeure burua gutxitu, eta, batez ere, ez saiatu pena ematen.
Nabarmendu zure motibazioa.

BESTE HIZKUNTZA BATZUETAKO GUTUNEN EREDUAK

Consejosgratis Estatu Batuetarako “Cover Letter” bat nola egin.

Joblers Alemaniarako ereduak.

Red Francia Frantziarako ereduak.

Lettre de motivation