Bidasoa Zirkularra eta Jasangarria, Bidasoa Digitala eta Enpresa Estrategia ETE industrialen lehiakortasuna hobetzeko hiru proiektu berriak, Bidasoa bizirikek abiaraziak

Irun eta Hondarribiko Udalek, Bidasoa biziriken bitartez, eskualdeko industria sarea indartzeko funtsezko hiru ekimen jarri dituzte abian urtarrilean. Tokiko enpresen iraunkortasuna, digitalizazioa eta kudeaketa estrategikoa hobetzera bideratuta daude ekintza horiek, haien lehiakortasuna eta merkatuaren erronka berrietara egokitzeko gaitasuna indartzeko.

“Industria-sektorearen bilakaerak etengabeko laguntza behar du haren iraunkortasuna eta hazkundea bermatzeko. Bidasoa biziriketik, gure enpresekin batera lan egiten dugu, egungo eta etorkizuneko erronkei aurre egiteko prest egon daitezen “, adierazi du Nuria Alzagak Bidasoa bizirikeko presidenteak.

Bidasoa Zirkularra eta Jasangarria
“Bidasoa Zirkularra eta Jasangarria” programak eskualdeko industria-enpresetan karbono-aztarna murriztea eta praktika jasangarriak sustatzea du helburu. Urtarrilaren 15etik aurrera, 15 enpresak parte hartzen dute ekimen honetan. Ekimen horren barruan sartzen dira emisioak neurtzea, hobekuntza-planak garatzea eta MITECOren HCC zigilua lortzea.

Proiektuan parte hartzen duten konpainiek hainbat sektore hartzen dituzte, metalezko egituren fabrikaziotik hasi eta osagai elektronikoen ekoizpeneraino:

Conatec, S.A.L.

Deco Didheya S.L.
Railtek Ingenieroa Industrial SL
Sacytrans S.L.
Sellex SAU
Zubelzu SL
Moldes Molbat S.L.
Mecanizados Josmil S.L.
Amume S.L.
Neur Troqueles y Mecanizados S.L.
Likale Caucho Industrial S.L.
Cauchopren S.L.
Plásticos Lezo S.L.
Alcad Electronics S.L.

“Gure enpresek funtsezko zeregina dute trantsizio ekologikoan. Programa honekin, jasangarritasunean aurrera egiteko eta ingurumen konpromisoa sendotzeko tresnak eman nahi dizkizuegu “, nabarmendu du Estitxu Urtizbereak Bidasoa Bizirikeko presidenteordeak.

Enpresa-kudeaketaren optimizazioa: Enpresa Estrategia

Bestalde, urtarrilaren 29an “Enpresa Estrategia” programaren edizio berri bat hasi zen, industria-enpresen kudeaketa eta plangintza estrategikoa sendotzera bideratua. Sei enpresa berrik bat egingo dute ekimenarekin. Bestalde, aurreko edizioan parte hartu zuten beste seik ekintza-planak hobetzen jarraitzen dute.

Prozesu honetan lan egingo duten enpresen artean daude Forest Pioneer, Poliester Gabiria, Pulimentos Metálicos Txingudi, Talleres Luma, Pulimentos Metálicos Txingudi, Tecnitxingudi,

A & G STEEL.

Programa honen bidez, aholkularitza espezializatua jasoko dute hazkunde-estrategiak zehazteko, merkatuan duten posizionamendua hobetzeko eta barne-prozesuak optimizatzeko.
“Ikuspegi estrategiko argia funtsezkoa da enpresa-arrakastarako. Gure enpresek etorkizuneko erronkei berme osoz aurre egiteko beharrezko tresnak izatea nahi dugu “, azpimarratu du Alzagak.

Eraldaketa digitala: Bidasoa Digitala
Digitalizazioa da garapen industrialaren beste funtsezko zutabeetako bat. Testuinguru horretan, Bidasoa bizirikek “Bidasoa Digitala” programaren edizio berri bat abiarazi du, industria-enpresa txiki eta ertainetan teknologia berriak txertatzeko diseinatutako programa.

Hala, diagnostiko pertsonalizatuen eta enpresa bakoitzari egokitutako ekintza-planen bidez, eraginkortasuna eta lehiakortasuna hobetzeko aukera izango dute. Edizio honetan sei konpainia berrik hartuko dute parte: FEPAKO Protección, Forest Pioneer, Indart 3D, Sacytrans, Pulimentos metálicos Txingudi eta Placisa. Beste seik laguntza espezializatua izango dute proiektu teknologikoetan.

“Enpresek digitalizazioak eskaintzen dituen aukerak aprobetxatzea nahi dugu, berritzeko eta beren prozesu eta zerbitzuetan balio erantsia sortzeko”, adierazi du Urtizbereak.

Erakundeen babesa duen konpromisoa
Hiru programa hauek Gipuzkoako Foru Aldundiko Ekonomia Sustapeneko eta Proiektu Estrategikoetako Departamentuaren babesa dute, bai eta enpresei programa horiek ezartzen laguntzen dieten aholkularitza espezializatuen laguntza ere.

Ekimen hauen bidez, Bidasoa bizirikek eskualdeko garapen industrialaren motor gisa duen eginkizuna indartu du, enpresa-eredu iraunkorrago, digitalizatuago eta kudeaketa estrategiko sendoago baten alde eginez.