SISTEMETAKO TEKNIKARI LAGUNTZAILEA (24-248)
Lehen Esperientzien Programaren barruan, Irungo Udalak SISTEMEN TEKNIKARI LAGUNTZAILEA behar du. Honako eginkizun hauek izango ditu, besteak beste:
Udal Informatika Zerbitzuko Sistemen Unitatean sartuta dago, eta sistema zentralak kudeatzeko oinarrizko lanak egingo ditu, batez ere honako hauek:
– Sistemetan erabiltzaileen altak, aldaketak eta bajak kudeatzea (direktorio aktiboa, kudeaketa-aplikazioetan baimenak kudeatzea ezarritako rol-sistemaren arabera, dokumentazio pertsonaleko karpetak esleitzea, bulegotika-informazioaren egituran baimenak kudeatzea, posta korporatiboan kontua esleitzea, datu-base korporatiboaren kudeatzailean baimenak ematea, pasahitzak kudeatzea, erabiltzaileak esleitzea eta IZFEk emandako aplikatiboetan baimenak ematea, eta jarduera-eremu horretan eska daitezkeen beste batzuk.
– Ahotsaren/Datuen Udal Sarearen egoera zaintzea, sarea monitorizatzeko eta mapatzeko sistema zentralizatua kontuan hartuta, ahots-, datu- eta segurtasun- eta trafiko-kameren sareetarako. Antzemandako gorabeheren berri emango die sistema-teknikariei (sare-administratzailea eta sistema-teknikaria), eta, ahal duen neurrian, horiek konpontzen lagunduko du.
Era berean, zaintza- eta kontrol-funtzio hori WiFi azpiegituretara hedatuko du, bai udal-eraikinetako barne-erabilerara mugatutakoak, bai herritarrei ekipamendu publikoetan, parkeetan eta plazetan eskaintzen zaizkienak.
– Zibersegurtasuna zaintzea, malwarearen segurtasun- eta kontrol-sistemak kudeatzeko kontsolak monitorizatuz, eta, bereziki, KSA (Segurtasun Eragiketen Zentroa) proiektuaren barruan ezarritakoak, Irungo Udalaren sistema zentraletan ezarritakoak, CCN-CERTen soluzioen katalogoan emandakoetatik abiatuta. Eremu horretan gorabeheraren bat atzematen bada, berehala jakinaraziko du, Zerbitzuan ezarritako protokoloen arabera, Segurtasun Eskema Nazionalak (ENS) informazioaren segurtasuneko intzidenteak kudeatzeko zehaztutakoen arabera.
– IZENPEk udal-langileentzat emandako nortasun elektronikoko ziurtagiriak sortzeko eta eguneratzeko kudeaketa teknikoa egitea.
Titulazioa: Sistemen Administrazioko Goi Mailako Teknikaria
– 30 urtetik beherakoa izatea.
– Aurreko praktikaldiko kontraturik ez izatea.
– Lanpostua lortzeko ikasketak amaitu zirenetik 3 urte baino gehiago igaro ez izana.
