Tech Irun Gabonak/Navidad 2022. tailerrak

Irungo Udalak, Bidasoa biziriken bitartez, gabonetan tailer teknologikoen programa bat antolatzen du 8 eta 13 urte bitarteko haurrentzat. Horiek Garapen Ekonomikorako eta Enplegurako Irun Ekintzan Itunak sustatzen dituen ekintzen parte dira, Bidasoa bizirikeko lankidetzarekin.

 

•  SMART GREEN CITY PROIEKTUA: ERAIKIN ADIMENDUNA, TRAFIKOAREN KUDEAKETA ETA GORA AIREA_Abenduaren  26ko astea

8 urtetik 10era bitarteko umeentzat

(2012.,2013. eta 2014. urtean jaioak)

Tailerrak astebete iraungo du, eta hainbat gai landuko dituzte, hala nola programazioa, elektronika eta robotika, parte-hartzaileen adinetara egokituta. Landuko diren gaiak funtsezko gaitasunak dira Industria 4.0rekin eta sistema adimendunekin zerikusia duten oraingo eta etorkizuneko enpleguetan.

JARDUERAK:

 1) SMART GREEN CITY – ERAIKIN ADIMENDUNA

Taldean lan egingo dute, eta denen artean eraikiko dute eraikin adimendun eta bioklimatikoa; bakoitzak eraikineko solairu bat muntatuko du. Lego Technic, Makeblock eta VEX Robótics piezak erabiliko dituzte. Halocode mikroordenagailua erabiliz, gure eraikina bizigarriagoa eta energetikoki jasangarriagoa egiteko hainbat soluzio diseinatu eta eraikiko dituzte. Micro:bit plaka elektronikoa erabiliz, talde bakoitzak proposaturiko soluzioak elkarrekin komunikatuko dira. Azkenik, solairu guztiak muntatuko dituzte, eraikina eraikiko dute eta integratutako gailu automatiko guztiak probatuko dituzte: alarmak, ateak eta leihoak itxi eta irekitzeko kontrol-sistema automatikoak, berokuntza- eta hozte-sistemak, argiztapenak, etxetresna elektrikoen eta hainbat aparaturen kontrola, etab.

2) SMART GREEN CITY – PARKING ADIMENDUNA

 Ibilgailu desberdinak sortu eta aldatuko dituzte, modu autonomoan aparkatzeko gai izan daitezen. Ibilgailuak programatzeko, Lego SPIKE Prime plataforma eta Makeblock robotika plataforma eta haien LED zerrendak erabiliko dituzte, plaza libre edo okupatuen seinaleak hartuz bakarrik aparkatu ahal izan dezaten.

3) SMART GREEN CITY – GORA AIREA

Tailerraren zati honetan, airearekin lan egingo dute, eta tabletak eta ordenagailuak erabiliz, errota eolikoak, energia eolikoaren sorgailuak, bela-ibilgailuak eta helizeak sortu eta programatuko dituzte. Legoren pneumatika-kitak, Lego Spike Prime eta Lego Mindstorms bezalako plataforma robotikoak erabiliko dituzte. Zenbait ariketa eginez, haizearen indarraren errendimendu ezin hobea lortzeko sistemak ezagutuko dituzte.

Egiteko egunak:

Abenduaren 26tik 30era bitartean,

 Egiteko lekua:

IRUNFACTORY  – José Antonio Loidi Bizcarrondo kalea 8. Irun

 Ordutegia:

09:30 – 13:30

IZEN-EMATEA

---

•  SMART GREEN CITY PROIEKTUA: ERAIKIN ADIMENDUNA, TRAFIKOAREN KUDEAKETA ETA GORA AIREA_Urtarrilaren 2ko astea

11 urtetik 13ra bitarteko umeentzat

(2011.,2010. eta 2009. Urtean jaioak)

Tailerrak astebete iraungo du, eta hainbat gai landuko dituzte –hala nola programazioa, elektronika eta robotika– parte-hartzaileen adinetara egokituta. Landuko diren gaiak funtsezko gaitasunak dira Industria 4.0rekin eta sistema adimendunekin zerikusia duten oraingo eta etorkizuneko enpleguetan.

JARDUERAK:

 1) SMART GREEN CITY – ERAIKIN ADIMENDUNA

Taldean lan egingo dute, eta denen artean eraikiko dute eraikin adimendun eta bioklimatikoa; bakoitzak eraikineko solairu bat muntatuko du. Lego Technic, Makeblock eta VEX Robótics piezak erabiliko dituzte. CyberPi Go Kit mikroordenagailuaren bidez, programazioa, robotika eta adimen artifiziala ikasiko dituzte, eta Gauzen Internet esaten zaion hori ezagutuko dute (Internet bidez beste gailu eta sistema batzuekin konektatzeko eta datuak trukatzeko teknologiak dituzten objektu fisikoak). Scratch-en oinarritutako mBlock softwarearekin programatuko dute.

Azkenik, dorre beraren solairu guztiak muntatuko dituzte, eta aldi berean probatuko dituzte gailu integratu guztiak: bozgorailuak, motorren kontrolagailuak, zoru irristagarriaren kontrola, LED argien kontrola eta sentsoreak, tenperatura-sentsoreak, lurzoruaren hezetasuna, gas-sentsorea, hezetasun-sentsorea, sugar-sentsorea, etab.

2) SMART GREEN CITY – PARKING ADIMENDUNA

Trafikoa kontrolatzeko sistema adimenduna egingo da, abiadura denbora errealean kontrolatzeko sistemekin eta semaforo eta argiztapen automatikoekin. Hiri bateko hainbat leku VEX Robotics tresnekin lotzen dituzten zubiak eraikiko dira. Lego Mindstorms EV3 plataforma robotikoa eta Micro:bit plaka elektronikoa erabiliko dituzte, bide-zati batetik bestera denbora errealean ibilgailuen abiadura detektatzeko eta semaforoak gorriz zein ibilgailuk igarotzen dituzten jakiteko. Makeblock erabiliko dute, argiztapen-sistemak eta semaforoak ibilgailuen joan-etorriaren arabera ezartzeko.

3) SMART GREEN CITY – GORA AIREA

 Tailerraren zati horretan, pneumatika landuko da (energia transmititzeko bitarteko gisa aire konprimitua erabiltzen duen teknologia), eta tabletak eta ordenagailuak erabiliz birziklatze-planta bat sortu eta programatuko da. Planta hori diseinatu eta programatzeko, Legoren Pneumatika Kita eta Lego Spike Prime, Lego Mindstorms EV3 eta Makeblock robotikako plataformak erabiliko dira. Argiztapen-sistemak CyberPI gailuen bidez programatuko dira. Tabletak eta ordenagailuak erabiliko dira diseinatzeko eta programatzeko prozesu osoan.

Egiteko egunak:

2023ko urtarrilaren 2tik 5era bitartean.

Egiteko lekua:

IRUNFACTORY  – José Antonio Loidi Bizcarrondo kalea 8. Irun

 Ordutegia:

09:30 – 13:30

IZEN-EMATEA

 

BEHIN-BETIKO ZERRENDA

---

Izena emateko modua eta epea:

www.bidasoa-activa.com webgunearen bidez, abenduaren 11ra arte.

Irunen erroldatutako umeek izango dute lehentasuna,

Tokia mugatua da, gehienez, 20 parte-hartzaile.

Eskaintzen diren plazak baino eskaera gehiago baldin badago, horiek aleatorioki esleituko dira zozketaz, www.sortea2.com webgunearen bidez. Grabatu egingo da. Horrela, zenbaki natural bat lortuko da, eta zenbaki horretatik aurrera esleituko dira plazak, izen-ematearen hurrenkeran.

Zozketa egin ondren, antolatzaileak harremanetan jarriko dira izena eman dutenekin, plaza esleitu zaiela jakinarazteko.

---

Informazio gehiagorako:

BIDASOA BIZIRIK. Ekintzailetza eta Jarduera Berria Departamentua

Tfno.: 943 50 96 00 (9.00etatik  14.00tara)